Чихэрлэг веган тахиа
Орц:
Дэвтээсэн шар буурцгийн уураг 150г
Давс 2 чимх
Хар перец 1 чимх
Сармис 1хумс
Жүржийн шүүс 2 хоолны халбага
Гурил 20г
Крахмал 20г
Жүржийн сүмсэнд:
Жүржийн шүүс 3 хоолны халбага
Шар буурцгийн цуу 1 хоолны халбага
Кимчи перец ½ цайны халбага
Цагаан гаа 5г
Элсэн чихэр 1 хоолны халбага
Ногоон сонгино 10г
Гарц:
1 порц
Хийх арга:
Хатаасан шар буурцгийн уургийг 20-30 минут бүлээн усанд хийж дэвтээгээд 2-3 удаа цэвэр усаар зайлж базаж авна.
Сармисаа цэвэрлэж угаагаад жижиглэж хэрчинэ.
Дэвтээсэн шар буурцгийн уурган дээрээ сармис, давс, хар перец, жүржийн шүүсээ хийж амтлаад гурил, крахмал хийж зөөлөн базаж хутгана.
Амталж бүрсэн шар буурцгийн уургаа халаасан их тосонд шаргал болтол шарж гаргана.
Сүмс бэлтгэхдээ цагаан гаа, ногоон сонгиноо цэвэрлэж угаагаад жижиг хэрчиж жүржийн шүүс, шар буурцгийн цуу, кимчи перец, элсэн чихэртэй хамт хутгана.
Халаасан тогоонд сүмсээ хийж зөөлөн гал дээр буцлангуут шарсан шар буурцгийн уургаа хийж жигд сүмсэнд өнхрүүлж бэлэн болно.