Гуляш
Орц:
Дэвтээсэн шар буурцгийн уураг 50г
Чинжүү 50г
Төмс 130г
Лууван 20г
Улаан лооль 80г
Чанасан хүрэн шош 50г
Цагаан гаа 5г
Улаан лоолийн нухаш 1 хоолны халбага
Ургамлын тос 1 хоолны халбага
Ус 300мл
Паприка ½ хоолны халбага
Нунтаг задь ¼ цайны халбага
Давс ½ цайны халбага
Нунтаг хар перец 2 чимх
Элсэн чихэр ½ цайны халбага
Лаврын навч 1 ширхэг
Гарц:
1 порц
Хийх арга:
Хатаасан шар буурцгийн уургийг 20-30 минут бүлээн усанд хийж дэвтээгээд 2-3 удаа цэвэр усаар зайлж базаж авна. Дэвтээж базсан шар буурцгийн уургийг 2 хувааж хэрчинэ.
Хүрэн шошийг 8-12 цаг хүйтэн усанд дэвтээгээд 40-60 минут зөөлөн галаар чанаж болгоно. Чанасан хүрэн шошийг шүүж авна.
Чинжүү, төмс, лууван, улаан лоолийг цэвэрлэж угаагаад 2 см өргөнтэй дөрвөлжин хэрчинэ.
Цагаан гааг цэвэрлэж угаагаад жижиг хэрчинэ.
Халаасан тогоонд ургамлын тосоо хийж жижиглэсэн цагаан гааг шаргал болтол зөөлөн гал дээр хуурна.
Шар буурцгийн уураг, паприка, нунтаг задь, давс, элсэн чихэр, нунтаг хар перец нэмээд бага зэрэг хууралтыг үргэлжлүүлэн улаан лоолийн нухашаа хийж жигд хутгана.
Бэлтгэсэн чинжүү, лууван, төмс, улаан лооль, хүрэн шошоо нэмж бага зэрэг хуурч усаа хийнэ.
30-40 минут зөөлөн галаар чанана.
Лаврын навчийг гаргахаас 5-10 минутын өмнө хийнэ.