6/13/25
Лондонгийн Грантхамын Уур амьсгалын өөрчлөлтийн хүрээлэнгээс хүнс, тээврийн салбарт нүүрстөрөгчийн ул мөрийн хүйсийн ялгааг шинжилжээ.
Судалгаанд Францын 2100 төлөөлөгчийн хүнсний хэрэглээ болон бусад 12500 хүний тээврийн хэрэгслийн талаарх судалгааны мэдээллийг ашиглажээ.
Эдгээр салбарт эмэгтэйчүүд эрэгтэйчүүдээс 26%-иар бага нүүрстөрөгч ялгаруулдаг бөгөөд энэ нь нийт хүний дундаж нүүрсхүчлийн хийн тэн хагасыг бүрдүүлж байна гэж үзжээ.
Эрэгтэйчүүдийн хоол хүнс, тээврийн хэрэгслээс дунджаар 5.3 тонн нүүрстөрөгчийн давхар исэл (tCO2e) ялгардаг бол эмэгтэйчүүдийнх 3.9 (tCO2e) ялгардаг байна.
Улаан махны хэрэглээ ба машины хэрэглээ
Хүнсний тоо хэмжээ, туулсан зай, ажил эрхлэлтийн байдлыг харгалзан үзсэний дараа нүүрстөрөгчийн ул мөрийн үлдэгдэл зөрүүгийн ихэнх хувийг улаан махны хэрэглээ болон автомашины хэрэглээ эзэлж байгааг судалгаанд харуулсан байна.
Судлаачид эдгээр зан үйлийн аль аль нь ихэвчлэн эрэгтэй хүний шинж чанартай холбоотой байдаг гэдгийг онцлон тэмдэглэжээ.
Нөгөөтэйгүүр гэр бүлд хоол хүнсний нүүрстөрөгчийн ул мөрийн хүйсийн ялгаа бага байгаа нь хамтын хооллолт, хамтарсан шийдвэр гаргадаг жендэрийн хоолны дэглэмийн илэрхийлэлийг хязгаарлаж болзошгүй гэсэн үг юм.
Мах ба эрэгтэйлэг байдал
Ургамлын гаралтай хоолны дэглэм барихад жендэрийн тэнцвэргүй харьцаа байсаар байна.
2023 онд хийсэн Веган Нийгэмлэгийн судалгааны товч танилцуулгад эрчүүд нийгмийн гутаан доромжлол, эрэгтэй хүний хүлээлтэд нийцүүлэх дарамт, мах бага идэхийг эрэлхийлэхдээ хоол тэжээлтэй холбоотой буруу мэдээлэл зэрэг саад бэрхшээлүүдтэй тулгардаг болохыг тогтоожээ.
Жич: Манай улсад веган цагаан ногоон хоолны жендерийн эрх тэгш байдал харьцангуй бага зөрүүтэй. Энэ нь эртнээсээ Монголчууд цагаан хоолны соёлтой байсантай холбоотой болов уу.
Эх сурвалж: Vegconomist.com